ஹலால் விவகாரம் தொடர்பில் தொடர்ந்து முன்வைக்கப்பட்ட வாதப் பிரதிவாதங்களுக்கு ஜம்மியதுல் உலமா சபையானது தனது இறுதி முடிவைத் தெரிவித்து விட்டது. “இந்த ஹலால் விவகாரத்தை நாங்கள அரசாங்கத்திடமே ஒப்படைக்கிறோம். இனி அரசாங்கமே ஹலால் சான்றிதழ்களை வழங்கட்டும்” என்று கூறிவிட்டது. ஆரம்பத்தில் ஹலால் விடயத்தை விட்டுக் கொடுக்கமாட்டோம் என்றது ஜம்மியதுல் உலமாசபை. பின்னர் முஸ்லிம்களுக்கு மட்டும் விநியோகிப்போம் என்றது. இப்போது ஆளைவிட்டால் போதும் என்ற நிலைக்கு வந்து அந்தப் பொறுப்பிலிருந்து தன்னை முற்றாக விடுவித்துக் கொண்டுள்ளது. ஆனால், பொதுபல சேனாவோ விடமாட்டோம் என்றுதெடர்ந்தும் ஒற்றைக் காலில் நிற்கிறது. அராசாங்கம் கூட இந்த வியடத்தைப் பொறுப்பேற்கத் தேவையில்லை. ஹலால் எமக்கு ஹராம் என்ற பிடிவாதத்தில் நிற்கிறது பொதுபலசேனா.
